Berues: aintzinako murgiltze esperientzia

Eslaban, mahastiak berreskuratzearen historia kontatzen du. Beruesa, Nafarroako mahats-barietate autoktonoa, ia galdu egin zen garaian komertzialagoak eta eskari handiagokoak ziren beste barietate batzuk nagusitu zirenean. Gaur egun, hura berreskuratzeko egindako lanari esker, berriz ere biziberritzen ari da. Esperientzia mahastian bertan hasten da, Berues ardo-kopa batekin eta ingurunearen aurkezpen batekin. Bertan lurralde honek garnatxa mahats-barietatearekin, inguruan tradizio handia duen barietatearekin, zer lotura duen azaltzen da.

Mahatsondoen arteko ibilbide gidatuari esker, Berues mahats-barietatearen historia dokumentatua ezagutzeko aukera dago. Izan ere, 1620. urtean jada aipatzen zen mahats-bilketako pregoi zaharretan. Halaber, tokiko mahastizaintza- eta ardogintza-tradizioan izan duen zeregina ulertzeko aukera ematen du. Urtaroaren arabera, mahatsondoaren zikloko etapa desberdinak behatzen dira, hala nola inausketa, kimu-ematea, loraldia edo heltzea; eta fruitua dagoenean, mahats-dastaketa egiten da. Bisita amaitzeko, Berues eta Garnatxa barietateen dastaketa konparatua egiten da.