Irunberriko arroila barrutik

Irati ibaiaren ibilbideari jarraituz Irunberriko arroilatik jaisteak paisaia uraren bitartez ezagutzeko aukera ematen du. Bi aldeetan altxatzen diren kareharrizko hormen artean baltsetan nabigatzeak, beste begirada bat eskaintzen dio babestutako gune horri, ibaiertzeko basoaren eta harkaitzaren xehetasunek protagonismoa hartzen baitute.

Esperientzia harrera batekin eta ibilbidearen eta segurtasun-arauen   azalpenarekin hasten da. Prestaketaren ondoren, taldeak jeitsierari ekiten dio, inguruaren balio ekologikoa eta kulturala interpretatzen duen gidari espezializatu batekin. Jaitsieran geldialdi txiki batzuk egiten dira landaredia behatzeko, arroka ukitzeko eta ibaiaren eta hegaztien soinua entzuteko. Jarduera parte hartzaileen arteko elkarrizketa batekin amaitzen da. Modu honetan, bizi izandakoa komentatzen da eta jardunaldia Pirineoaurreko naturarekiko lotura zuzena sentitzen amaitzen da.