Larretik green-era: landa esperientzia eta golfa Ultzaman

Ultzamako haranean, landa-bizitza urratsez urrats ezagutzen da, ikaskuntza, gastronomia eta aire zabaleko dibertsioa uztartuz. Goiza Ultzama baserri-eskolan hasten da. Bertan, parte hartzaileek animaliak ezagutuko dituzte eta haien eguneroko zaintzak elikagaien kalitatean nola eragiten duen ulertuko dute. Gainera, tailer praktiko batean, gaztanbera egiten ikasteko aukera izanen dute.
Esperientzia osatzeko, baserriko produktuekin egindako Km0 bazkaria egingo da, Barraskilo Proiektuaren baitan, tradizioa eta lurraldearen zaporeak zuzenean mahai baten bueltan gozatzeko.
Arratsaldean, egunak aurrera egingo du Lizaso Golf Pitch & Putten. Gune hau, golfean presarik gabe eta bailarako paisaiaz gozatzeko leku paregabea da. Dinamika gidatuekin eta maila guztietara egokitutako jolasekin, familiek, bikoteek eta lagun taldeek kirolaren oinarriak ikasten dituzte patxadaz eta ikuspegi naturalez gozatzen duten bitartean. Esperientzia golf-zelaiko terrazan amaitzen da, atseden eta kontenplazio une batekin. Horrela, bukaera emanen zaio lurraldearekin konektatzeko, ikasteko eta gozatzeko egun bati.